ماسترخَصتِش مرة مشاعرِك
بل بالعكس دي غالية عليا
طول الوقت أنا عارف قيمتِك
وكمان شايلِك جوه عينيا
غالية عليا وحُبِك غالي
وصورتك عايشة أكيد في خيالي
ماتبادريش بالحكم عليا
قبل ما تعرفي إيه اللي جرالي
ف عشان خاطري ماتظلِمينيش
صعب الحب بدونّا يعيش
لو راح أعبّر يوم عن حُبي
مليون كلمة ماهتكّفيش
عمري ما جيت والله في مرة
وإتعمّدت إني أبعد يوم
ليه ظلماني تملّي وفاكرة
ودايماً جايبة عليا اللوم
لو تعرفي قيمتِك وغلاوتِك
كنتي نسيتي الشك وغيرتِك
كنتي عرفتي إزاي أنا يعني
بِعت الدنيا أكيد وإختارتِك
الموضوع ونهاية القصة
إني في غيرِك صعب أفكّر
اللي يحب لا يمكن ينسى
ولّا في يوم ممكن يتغيّر
وأنا حبيّيتِك حُب كبير
وماهوش قابل للتغيير
حب أكيد بيحتاج دايماً
نية سليمة أكيد وضمير
بقلمي عبدالحميد وهبه
ليست هناك تعليقات:
إرسال تعليق