عزف الوجع ألحان
من طبع ندل وخان
وعملت ١٠٠صوان
ودفنت معارفهم
طبع الخسيس ندالة
مايعرفش العدالة
تتعب نفسك قواله
وما يتصلح حالهم
تقيد صوابعك شموع
طمع مافيش قنوع
تذرف عيونك دموع
لعمر ضاع علشانهم
ويفيد بايه الندم
مادام الضمير أنعدم
لو تحي شيء من عدم
يجوز صلاح حالهم
توب الأصول ممنوع
ع الخسة مفيش رجوع
لازم تبات موجوع
عشان يرتاح بالهم
الهم صار بالكوم
وتسمع لأخر اليوم
صوت الحدادي وبوم
فرحانة بافعالهم
اوعى فى يوم تلوم
خلى الوجع مكتوم
ربك مع المظلوم
لازم ينتقم منهم
احذر تغرك مظاهر
عشان عتلاقي بواهر
مش كل اللي يلمع جواهر
أصل الجنيه سيدهم
ضلوا طريق الهدايا
ولكل ظالم نهاية
وربك بايده العناية
ووحده يحاسبهم
قلم
نور الدين محمد (نبيل)
١٨/٣/٢٠٢٥
ليست هناك تعليقات:
إرسال تعليق