بواقي
قالوا الحب نار وعذاب
لما بيجي يدق الباب
يفتح قلبي كل جوارحه
أصل القلب مالوش بواب
أشرب كاس الحب شراب
ألقى الجنة هناك في سراب
أجري بشوقي نار في عروقي
القى مكان الجنة غراب
ادفن شوقي قبل ميلاده
مع أسلافه وتراب اجداده
تحلم طرفي يكتب حرفي
يكتب كذبه وزيف أمجاده
حتى الحرف كمان مهزوم
يجري شوية يقع ويقوم
سر أشواقي دا ركامه باقي
هناك ع السطر في وسط غيوم
يحيى حسين القاهرة
3 مايو 2025
ليست هناك تعليقات:
إرسال تعليق