ليه الحظ بابه موارب
ليه البخت بابه مقفول
القى الموجة ما القى القارب
القى القارب بشراعه مشلول
مهما حاولت أقاتل احارب
كل حروبي فيها مقتول
ولما بنجح يوم في تجارب
بلقى الظلم هو المسئول
ليه يا حظي ليا تحارب
ليه في الفرحة تمللي عذول
برضة مصر تفضل هارب
قول واتكلم اتفضل قول
بعد شوية رفعللي الشارب
خفت أنا منه دا زي الغول
قالي كفاية واكل شارب
زي الدودة بصحن الفول
أنت أكيد سكران أو شارب
اسكت احسن عنك أقول
تلقى بجسمك سلك كهارب
قولت حرام اتفضل زول
خليك عني راحل غارب
وخلي الخاطية تبقى بتول
يحيى حسين القاهرة
1 مايو 2025
ليست هناك تعليقات:
إرسال تعليق