خطوة للخلف وكان لازم نعمل إستوب
وبلاش نقلّب في الماضي ونصّحي القلب
مش جايز ده ممكن يعني يبقى في صالحنا
فبلاش أنا وإنت نروح تاني للحل الصعب
أهي خطوة وكان لازم منها ويكون فيه حد
يا نكمّل تاني أنا وإنت يا نفارق بعض
مش جايز تبقى خطوتنا لبداية بجد
أو جايز يعني تكون فعلاً دي نهاية الحب
خطوة للخلف وكان لازم نعمل إستوب
أوقات عِشناها مع بعض ودايماً بنفكّر
بنحاول نبعد ونخاف إننا نتأثّر
وإن يوم قررنا وقدرنا وبعدنا لفترة
تلاقينا بنرجع من تاني وبنقرّب أكتر
إسمعني حبيبي عشان خاطري وحاول تساعدني
إن جيت قرّبت في يوم منك حاول تبعدني
وأنا هكدب يعني على نفسي وهحاول أصدّق
وهقولك بُعدك عن قلبي حاجة هتسعدني
خلّينا نحاول ونكون كده قد قرارنا
نختار ونقرر بإيدينا أنا وإنت مصيرنا
نرجع الخطوة بمزاجنا ونكون راضيين
أحسن ما فيه يوم حد عليها ممكن يجبرنا
ونحدد فعلاً بعديها إن كنا نكمّل
أو نرجع زي ما بدأنا كده زي الأول
وهنرضى بالمقسوم لينا ونمشي في طريقنا
ونحاول نصبر أنا وإنت يعني ونتحمّل
بقلمي عبدالحميد وهبه
ليست هناك تعليقات:
إرسال تعليق