شفتها عالوج مظبطة المكياج
ومرت أمامي اليوم صبحية
قلبي إنتفض والجسم عندي هاج
من جمال هيديك لبنية
ومعها حكيت بموضوع الزواج
وصوتي كان فيه رقة وحنيي
ولنبض قلبي كنت قلو حاج
حتى يصبر عليي وينطر شوية
وحكيتها وقلتلها أنا إلك محتاج
وغيرك بعد ما حدا عبا عينيي
وإنت جمالك مضوي متل لسراج
وبدي إهديكِ قصيدة وتنعمل غنية
وجبلك أساور من بلاد العاج
وِبْلَبْسِك هني أنا بإيديي
قالت بعتذر وما يكون فيه إحراج
الحياة مش كلمة حب ولقمة هنية
الحياة مال وسعي وإنتاج
وتعيشها بسعادة وكل حرية
ولأفلام الحب ما عاد فيه إخراج
وما بدي قصايد ولا كلمات غرامية
وما بدي قصيدة تنطوي بأدراج
ولا بدي بيوم تتنمر عليي
بدي رجَْال يلبسني جواهر وتاج
ومن الإلماس يقدملي هدية
وبدي قصر ومدخلو أدراج
ومزين بالنجوم وإنارة سماوية
والحيطان تكون كلها مرصعة بالعاج
وينوجد فيه أشياء وأشكال سحرية
ون كنت إنت للحب محتاج
عغيري دور وشفلك صبية
وما بدي عيش ببيت كلو زجاج
ولا بعصرنا الحب بالنار وهاج
ولا بيي الزواج بيقدر يفرضو عليي
بقلمي♥️إسحاق قشاقش♥️
ليست هناك تعليقات:
إرسال تعليق