سم هاري (762)
......................
سم هاري للي كارة
وفى حياتنا بعينه سارح
يبتليه ما يشوفشي خيرنا
داهيه تاخده أبو وش كالح
خرزة زرقا في نين عينه
شوطه تقلع جدر مالح
يندهيل لا يفوق ويوعى
وأدي ذقني إن شوفته فالح
قولنا حاسد عمره رايح
عقله تايه منه سايح
رغم إنه وإنه إنه
دكتوراه فن المصالح
نشطبه من بدري بدري
من حياتنا أبو غل فايح
مين يصدق عرى نفسه
قلب أسود حقده واضح
والقناع مبقاش له لازمه
ما الوشوش قالت فضايح
إبعده يارب عنا
لا نلاقيه فى سكه ومطارح
بقلم .. صبري رسلان
ليست هناك تعليقات:
إرسال تعليق