شايلك ف القلب وف النني
جايلك وإزاي تبعد عني
دي الروح ف هواك بتقول يا سلام
والقلب ف حبك بيغني
طب ليه يا حبيبي بتتعبني
بتغيب عن عيني وبتسيبني
ماقدرش اتخيل هجرك يوم
ده الفكر لوحده بيرعبني
أصل انت جمالك بزيادة
أصل انت حلاك فوق العادة
نساني زمان دوقت مرارته
بطلني اشرب قهوتي ساده
عارفك يا حبيبي بتعشقني
قلبك داري بيا مصدقني
دانا دبت غرام وبجد حرام
يا ماتلحقنيش أو تلحقني
ده الشوق ف عنيك بيقوللي كلام
وبلمس ايديك تحلى الايام
مستني وعمري معاك بيفوت
وحياتك تيجي بسرعه أوام
لو اغمض عيني بكون شايفك
لو اغيب بسمع همس شفايفك
دانا قلبي وقلبك روح واحدة
لو ببن ملايين والله عارفك
بقلمي/ خالد جمال ١٠/٩/٢٠٢٥
ليست هناك تعليقات:
إرسال تعليق