...............
أيام كده كده
أو كده بتمر
حلوه بشهدها أو علقم مر
لا الضحكه ودمعه تماللي تدوم
ما الفرح له يوم
والحزن له يوم
بتداري مشاعرك ليه ساجينها
قلبك وده حر
قادر تتحكم فيه قول لي
ليه الحال ما يسر
ومعيش نفسك أوهامك
وليالي المر
مش عيب تتمتع بالدنيا
في الخير مش شر
وإن قلبك حب ما يجراشي
ما تسيبه ده حر
هينوبك من الهوى وجماله
والشوق ما يضر
وتدوق الدنيا بإحساسك
وده شهد و مر
قافل ليه بابك صدقني
هتندم وتمل
والعمر هيفليت من أيدك
والفرصه تقل
بين نظره وهمسه
وكام كلمه الفرح يهل
وهتسعد نفسك وحبايبك
وعازولنا يغل
قيدوا الأنوار ورد وزينه
صفين صفين
وأخيراً فستان بالطرحه
وقلبين حلوين
والغالي اللي مجاش في الصوره
ده ما غاب عن العين
كان نفسي تكون جنبي
وأقولك غاب حضنك فين
فاكرك يا حبيبي
ومش هنسى مين ربا الزين
بقلم .. صبري رسلان
ليست هناك تعليقات:
إرسال تعليق