................
صدقنا قلوب كات كدابه
وصفولنا طريق كله ديابه
ومشينا بنور حسن النيه
خدعونا بثوب ده أحنا غلابه
لا الفرحه وداميت يوم منهم
ما وشوشهم بانت قلابه
زادوا فينا الجرح
وياما دوقنا
من مر الضحكه البهتانه
قولنا هندارى ويوم نبعد
ما سابونا وردوا الإحسانا
نصبوا لنا شباكهم خطينا
ووقعنا فى نيات هدامه
رسموالنا الدمعه بتمثيلهم
وإتفضحهم غش وكدابه
عكروا مايتنا ما كات صافيه
والنسب إتحول لإهانه
سحروني أقاطع وأعادي
عايش بلا حاضر ولا ماضي
تايه في الدنيا كاره ناسي
قسوني وفاقد إحساسي
حاضن أشواك مر نسبهم
ومأمن الديب يحرس رأسي
إتشقلب حالي وتاه صوبي
والكاس مليان عروا فى ثوبي
وبقيت لطمعهم سهرايه
له ألف روايه و حكايه
ولا فارقه فيه روح عايش ميت
طلما فيه غابه فيه ديابه
وهتحصد زرعك لا محاله
وتوفي الدين كيل
وحسابا
من شر الحاسد والساحر
من شر قلوبكوا الهدامه
بقلم .. صبري رسلان
ليست هناك تعليقات:
إرسال تعليق