يا حبيبي أنا واخد على خاطري
علشان وياك هيفوت قطري
ساعة قلبك يصفى وساعة يأسى
والعشق ف قلبي ده شئ فِطري
عندي استناك عمري بحاله
مهما اللايمين عنك قالوا
بس بخاف قلبك يوم ينسى
يجافيني ويتغير حاله
مش عارف ليه مش مطَّمن
دايماً في هواك قلبي مخوِّن
مع إن الروح بهواك حاسَّه
بس بخاف لمّا بتتلوِّن
مش فاهم ليه قلبي مقلّق
بيقول هتسيبني وهتفلّق
أول ما هتسنح ليك فرصة
وانده ماتحوش يابني وحلَّق
ليه تلاوع قلبي وتتعوّد
ليه تميل عن دربي وليه تحوّد
والعشق معاك ليه رمادي اللون
رسيني معاك يا أبيض يا أسود
يا سلام لو قلبك كان واضح
والشوق على وشك بان ناضح
راح أكون أسعد إنسان ف الكون
والطير ف هواك هيكون صادح
هيلالي معاك نجمي وبدري
وهقول ده هواك بختي وقدري
لو حاسك قلبي ف يوم بتصون
لو تيجي معاه سكة ودوغري
بقلمي/ خالد جمال ١٦/١١/٢٠٢٥
ليست هناك تعليقات:
إرسال تعليق