يا مسيطرة على قلبي أنا
على حياتي وسنيني
يا مهيمنة عافية ورضا
على شرياني ووتيني
يامبدلة يومي بسنة
مابين شوقي وحنيني
ماعندكيش ف الشوق دلع
مفيش يامّا ارحميني
بتعرفي فين الوجع
من نظرة يدوب ف عيني
شاف الغرام منك بدع
بتقدري تملكيني
بحس فيكي كل المتع
لو حضنك يحتويني
يا ورده نادية ف دنيا عاتية
يا حضن دافي ف ليلة شاتية
عايش معاكي ونفسي راضية
واخدة قلبي وضي عيني
حبك ف قلبي وف دمي عاش
عشقك يا عمري مافهوش نقاش
حبيني حب جنون وطاش
او واحدة واحدة يا واش ياواش
حبيني برضه بكل حدة
يا مستبدة
بقلمي/ خالد جمال ٢٠/١١/٢٠٢٥
ليست هناك تعليقات:
إرسال تعليق