استنى ماتحكمشي عليا
ولا تتسرع ف الأحكام
أصل بعادك عني شويه
سجن مؤبد أو اعدام
اوعى ظنونك تغدر بيا
أصل الظلم يا عم حرام
بتقول خنتك وانت ضحية
وإن غرامي ده كان أوهام
اللي قالو لك عني بخونك
ليه تصدقهم يابني أوام
تأسى وقلبك ليه يتحول
لو بيقولوا أي كلام
مش تتأكد منه الأول
قبل ماتجني على الأحلام
هما بعينهم جم وقالولي
نفس القول بالمللي تمام
بس انا قلبي محال هيصدق
ده اللي ما بينا يا عمري غرام
ولا حكاويهم ليا بتفرق
ولا بيخيل على قلبي كلام
علشان واثق فيك يا حبيبي
مهما يقولوا بعَدِّي أوام
علشان حبك حب حقيقي
عمره ما كان كدب وأوهام
عارف قلبك صافي وطيب
عارفك باقي على الأحلام
لو مش باقي كنت هتمشي
من غير أي عتاب وملام
شايف البسمة دي جوه عيونك
يبقى خلاص كده كله تمام
سيب ايدك تحتضنها ايديا
هات راسك على كتفي ونام
وانا هارقيك م العين يا عنيا
تعقل وتبطل أوهام
بقلمي/ خالد جمال ١/١١/٢٠٢٥
ليست هناك تعليقات:
إرسال تعليق