ياللي عنيك دايماً واخدينّي
ياللي هواك العين والنني
ياللي معاك النوم مخاصمني
اوعى حبيبي تغيب عن عيني
وتبعد عني
اوعى تسيبني
فرحة عمري لقيتها معاك
لو بتنادي الروح سامعاك
نبض القلب يقول بهواك
كل جروحي تفارق روحي
وانا وياك
وانت حاضني
أيوه غرامك صحّى فؤادي
بعد ما طال ف الحزن رُقادي
ايوه هواك زادي وزوادي
بنسى آلامي ويحلى كلامي
وانت قصادي
روحي تغني
عارف جمبك وانت معايا
بحس بإيه
قلبي ملاك وفارد جناحاته
يا عمري عليك
زي غريق رجعتله حياته
شدّ الطوق من جوه عنيك
طير وبيشرب ندى قطراته
ف كف ايديك
دانت آمالي وعمري الغالي
وحلم ساكنِّي
اوعى تسيبني
بقلمي/ خالد جمال ١١/١١/٢٠٢٥
ليست هناك تعليقات:
إرسال تعليق