..............
أفراح ضباب
في قلوب مايه
والكل طمعان ليه فيا
في الوحل خاطين ولا رجعوا
وهزيمه بالضربه القاضيه
خدام لفاضي وله دبحوا
ورد البراءه غلان نبحوا
إحساسها ميت لو تعرف
بلعبه خدرها ودبحوا
عمر الزهور قطفوا عبيرها
طفله يا ناس ألف جابرها
عدوها للنار ولا حاسه
تتباع وتملا جيوب أبوها
بنتي حبيبتي ودي الشاطرة
كوشه وجواز شروه وستره
عنتر وشايل لك سيفه
يرمي في فلوس لمزاج كيفه
شايب وصابغ متحنط
كاسر سنين صحه مچنط
يختار يدوس دافع الديه
كام مات برئ لمزاج كيفه
قاصر يا ناس يا محنيه
هتبيع بكام إملا عينيه
تطلب جنيه هدفع ميه
والألف ألوفات يتعدوا
متع سي شيك ملعون وده
لازم يشوف مين دي ضحيه
طفله يا ناس عمرها ديه
تتباع بكام لعبه هديه
هجوا الحمام بره الغيه
بتعد أيام مرعوبه كام جالها
صدمات نفسيه
ياما غيرها الله يرحمهم
بفستان جواز
قاموا دفنوها
قتلوا البراءه ما رحموها
بقلم .. صبري رسلان
ليست هناك تعليقات:
إرسال تعليق