لمين حااعيش بقلم نصر سيد بدر طلحه

اهداء الى روح اخى الكبير وصديقي العزيز وماتبقى لى من اخوه.. رحمة الله عليه.

      لمين حااعيش

ينفع كده يا حسين ؟؟

يااخويا وابويا وصاحبى 

وضى العين ؟؟

تفارقنى تسيبنى لوحدى ؟؟؟

طيب قولى أروح على فين ؟؟

أنا وأنت كنا واحد في اتنين 

حكايات فى القلب كتيره 

ومن بعدك اقولها لمين ؟؟

وياترى لو قلت الاقى ناس سامعين

وإن سمعوا..

الاقى زيك ناس فاهمين؟؟؟

ياحبيبي ياحسين؟؟

   ..... ....

الوقت واقف من بعدك مابيمشيش 

كان نفسي أفارق قبلك...

وأنت تعيش..

أنا عايز اقولك حاجه وخايف تزعل 

ماتزورنيش ....

من بعدك أنا سبت البيت 

فى ميدان الجيش...

رمضان أهو قرب يجيى...

اوعاك تنساني وما تجيش 

من بعد غيابك عنى

قفلت الباب والشيش 

وسع لى مكان جنبك... 

أنا جاى لك..ولمين راح أعيش 

يااخويا وابويا وصاحبى...

وضى العين... ينفع كده يا حسين ؟؟؟

...............

بقلم نصر سيد بدر طلحه القاهره

@إشارة