غرامَك قَدَر
حبيبي يا غالي يا عشقي الوحيد
غرامك يا عمري ده أجمل قدر
يا ضي ف ليالي يا دم ف وريد
يا ساكن أعالي مخطِّي القمر
يا حلم ف خيالي واخدني لبعيد
يا نجمي المِلالي ف أبهى الصِوَر
يا أمس انشغالي وعشقي الوليد
وبكره اللي حالي بورد اتبدر
يا فجر ومحالي سوادي الشديد
يا بلسم لحالي وأمن ف خطر
بحبك وقلبي بعشقك سعيد
ولا اقدر افوتك يا أغلى البشر
ده قبلك زماني سقاني الصديد
وجيتني بغرامك سقيتني العسل
وعاش قلبي قبلك مهمَّش شريد
لقى ف قربه منك أهالي وسكن
وطير كان يعاني بجناحه المهيض
وحبك شفى الكسر فيه واتجبر
وكت شايفة عيني الزمان البعيد
عذابي وآهاتي وجرح وشجن
بقت جمب منك وشايفة الجديد
هنايا وسعادتي في يومي وغداً
بحبك يا عمري واقولها في نشيد
يا نسمة ف هوايا يا دفء ف وطن
بقلمي/ خالد جما ٣/١/٢٠٢٦
ليست هناك تعليقات:
إرسال تعليق