حين ينضج الصمت بقلم نشأت البسيوني

حين ينضج الصمت ويصبح أصدق من كل الكلام

بقلم/ نشأت البسيوني 

في لحظة معينة بنبص حوالينا ونكتشف إن الصمت اللي كنا بنخاف منه زمان بقى هو أكتر شيء بيطمنا وإن الهدوء اللي كنا بنهرب منه بقى حضن واسع بنرجع له لما العالم يزعق بصوت عالي جوه عقلنا ومع السنين نفهم إن الكلام مش دايما علاج وإن الشرح مش دايما حل وإن في وجع لازم يسكت عليه علشان ما يكبرش وجع كان محتاج حضن من نفسنا مش اعتذار من حد ولا تبرير من حد ولا 

تفسير من اللي مش شايلين اللي شايلينه جوانا وبنكتشف إن الصمت اللي كان بيننا وبين ناس معينة كان أكبر من علاقتنا نفسها صمت بيقول إن مافيش حاجة تتقال صمت بيقول إن اللي بينا ما يستاهلش الكلام أصلا صمت بيقول إن الروح خلاص شبعت وارتوت وفهمت وقررت تقفل الباب وتكمل طريقها من غير ما تبص ورا وإن اللي ما سمعناش وقت ما كنا بنتكلم مش هيسمع دلوقتي 

ولو صرخنا وإن اللي ما حسش بينا في عز تعبنا مش هيحس وهو شايفنا واقفين على رجلينا أقوى من زمان ومع كل مرحلة نعديها نعرف إن الصمت مش ضعف ولا هروب الصمت قوة الصمت نضج الصمت علامة إن الروح كبرت بما فيه الكفاية لتعرف متى ترد ومتى تمشي ومتى تعطي ومتى تسحب قلبها وتسيبه يرتاح من ناس استنزفت وجوده وبقينا نعرف إن الكلام اللي بيطلع من القلب 

مش محتاج شرح وإن اللي يحبك مش محتاج تقنعه واللي شايفك غلط مهما اتكلمت هيفضل يشوفك غلط لأن المشكلة مش فيك المشكلة في عينه المشكلة في نيته المشكلة في قلبه اللي مش صافي زي قلبك ومع كل يوم يعدي نفهم إن العلاقات اللي تقوم على الضوضاء بتقع أول صدمة وإن العلاقات اللي تتبني في الهدوء هي اللي تعيش أطول وإن الشخص اللي يطمنك من غير ما يتكلم 

أثمن من ألف شخص يشرح ويوعد ويحلف وهو من جوه مايل على نفسه مايل على مصلحته مايل على رغباته أكتر منك ومع نضج الصمت نلاقي إن الروح بقت أهدى والقرارات بقت أوضح والخطوات بقت أعمق وبقينا نعرف نمشي من غير ما نتكلم ونعرف نسيب من غير ما نغضب ونعرف نحب من غير ما نفقد نفسنا ونعرف نرفض من غير ما نخسر كرامتنا وبقينا نعرف إن الصمت 

مش مساحة فاضية الصمت حياة كاملة حياة بتقول إن اللي راح ما يهمش وإن اللي جاي محتاج طاقة جديدة وإننا مش مضطرين نثبت جمالنا لحد ولا نقنع حد بقيمتنا ولا ننتظر من حد يفهم اللي مش قادر يفهم إلا نفسه ومع آخر الطريق نكتشف إن أعظم تغيير في حياتنا حصل لما سكتنا لما وقفنا نلوم ووقفنا نبرر ووقفنا نقاتل على بقاء ناس ما كانتش لينا ولا يوم ونفهم إن أجمل بداية بتحصل 

لما نلم شتات روحنا ونسمع صوتها وقت ما الدنيا كلها تسكت ونقول لنفسنا بمنتهى الهدوء استريحت خلاص بقى نكمل السكة قدام ونعرف إن الصمت اللي نضج جوانا عمره ما يخونا عمره ما يخدعنا لأنه صوتنا الحقيقي واللي جاي أهدى وأصدق لما نتكلم بس وقت ما يكون للكلام قيمة