إعرف تاريخ بلدك وأجدادك
ماتعش كده لوحدك جاهل
الجهل مرض ينسف إمتدادك
وكل شىء يروح بالساهل
وإعرف دينك وإللى يدينك
وكل خاين بيسمم طينك
قيمتك قدام نفسك وأولادك
تعرف اصلك وتاريخ ميلادك
وقيمة ترابك فى أرض بلادك
وأصل تاريخها جواك فارش
وأى بنيان له قواعد وأساس
بيجرى فى عروقك وعايش
والشمس تدى طاقة إحساس
تعرف تاريخ بلدك وأجدادك
وكل حرف له معنى ومنهاج
تراب بلدك كنز لأحفادك
وامجاد جدودك نهج وسراج
تنور طريقك فى كل خطوة
شعاعها حليفك فى أى كبوة
تنتصر عليها بكرامه ونخوة
والإنتماء للبلد أغلى إنتاج
....................................
.... د/ حسن الشوان 🇪🇬 ....
ليست هناك تعليقات:
إرسال تعليق