ويعاسل عمق الخاطر
🌴🌴💓🌴🌴
كان شفتو الصورة والوجه الناير
دا الآسرني وخلاني
أول مرة اشوف الشمس بتناغم
بي رقراق الخاطر
يا له من ملاك قسيم آسر
إعشق سمتو وحريرَو الناعم
أهي دا البتشيق الناظر وهايم
يلا أبتسمي يا حلوة
فيضي حنان وإنشري ملاحم
برحل ليك مفتونك وقليبو
الهايم بي حنانك عامر
إبتسمي يا حلوة
خلي البسمة تشيق الناظر
أصلو البسمة إشراقت
الوجه الناير وحالمه. وَالقلب
الحاني ديمه شفيف ومسالم
عاجبو البضوي حياهو في حضرة
ألقَو وكرزو الناضج وعطر
أنفاسو العابك ونافذ وَسفيرو
الفاردو بردو ألماس وجواهر
آآآآآآآآآه منو خفَور ورحيم
بي رقراق الخفقه يسارر
ينثر بشارات خير الواعد
وحريرَو الناعم وصديرو الناهد
آه لو يرمح ويشفي عليلو الساهد
يحن ويسارر قلبو المارد
يا سمحة أرجوكي خلي الهولة
وحتى الضيمة فارقي طلولها
فري سفيرك أفردي ليهو جناحك
حصن وظل
ببقى وشاحك وفجرصباحك
عقيد فرحة يزين جيدك
وفاكهة فاهك
َتفارقي الوحشة وأنين الغربة
اللامسؤولة يلا يا زولة
فيضي حنان وافردي جناحك
شبال فرحة يضوي خضابك
وإنشري ملاحم طيبة
وضريرة صندل عابك
خلي الدنيا كل الدنيا
تشوف الصورة والوجه الناير
دا الخلاني أعشق سمتو
وحريرَو الناعم
أهي دي البتشيق الناظر وهايم
يلا إبتسمي فيضي حنان
وإنشري ملاحم
برحل ليك وقلبه بحنانك عامر
إبتسمي يا حلوة وخلي
البسمة تشيق الناظر
اصلو البسمة صباح الوجه الحالم
الحاني ديمة شفيف ومسالم
عاجبو البضوي حياهو
في حضرة ألقَو وكرزو الناضج
وعطر أنفاسو العابك ونافذ
وَسفيرو الفاردو برد وجواهر
آآآآآآه منو الخير وواعد
حريرَ الناعم وصديرو الناهد
آه لو يرمح ويشفي عليلو الساهد
يحن ويسارر قلبو المارد
يا سمحة ارجوكي خلي الهولة
والضيمه فارقي طلولها
فري سفيرك أفردي ليو جناحك
حصن وظل
ببقى وشاحك وفجر صباحك
وزينة جيدك وفاكهة فاهك
تفارقي الوحدة والوحشة
اللا مسؤولة
يلا يا زولة فيضي حنان يضوي
خضابك وانشري ملاحم طيبة
حريرة جرتق وصندل عابك
خلي الدنيا كل الدنيا
كرنفال فرحة تحت جناحك
وأقدلي فيها متل الوردة
فاردة البسمة وكرز مغيبك.
يتناسل درر من عبق أنفاسك
متل الطفل السارح وضاحك
الحبوب الشبشاوي
الخرطوم السودان
ليست هناك تعليقات:
إرسال تعليق