هعتب لرمش عنيك
وهاشتكيك للكحل
للولي بين شفاتبك
سِكنَك وفات البحر
لورد على خديك
واقوله غيتني يا زهر
هاتبلَّى يابني عليك
واقول خطفني السحر
هداهي فيك وارازيك
عشان تشوفلك حل
ف قلب دايب فيك
ف عقل تاه واختل
ف روح وهامت بيك
وعشق ليها احتل
ف عين سبتها عنيك
ودمع ليك بقى حِل
سهرانة طول لياليك
ومحال ف ليلة تمل
تناجي تنده ليك
لو يوم عليها تهل
يا حبيبي خُدني اليك
بعديك هتوه وهضل
بخاف لا تأسى عنيك
تبعد تغيب وتفِل
إزاي هعيش بعديك
من غير شموس ولا ضِل
إزاي تضيع خطاويك
وانت الطريق والخِلّ
عطشان ونبعي عنيك
قرب ف ريقي وبِلّ
بقلمي/ خالد جمال ٢٤/١/٢٠٢٦
ليست هناك تعليقات:
إرسال تعليق