مهما اشوف أو عيني يحلالها
مش هشوف أوصاف ف جمالها
لو هاطوف الدنيا بحالها
استحالة يكون ف مثالها
أو فيه منها يا ناس اتنين
قلبي مال ف الهوى غنالها
ليلي طال والروح حنَّلها
شئ محال إن أنكر خيرها
أو حياتي أعيشها لغيرها
عشقه ساكن ضي العين
جنتي وعيونها دي حورها
زال سواد العمر بنورها
جِه لروحي وخضّر بورها
خلَّي فيها تغني طيورها
بعد جرح ونوح وأنين
قول يا عمري بحبك قولها
قول كمان والمايلة اعدلها
ياللي بيك النجمة ف ليلها
مهما عليت ايدي بطولها
كل صعب معاك بيلين
ياللي بيك رجعت من تاني
الحياة والروح لزماني
ياللي قلبك دق عشاني
خدت عمري وكل كياني
عاشقك انت ما بين ملايين
بقلمي/ خالد جمال ٢٠/١/٢٠٢٦
ليست هناك تعليقات:
إرسال تعليق