خدني معاك لزمانك خدني
جدد فيا الروح واوجدني
طفل برئ بايديك هدهدني
غيتني من الأحزان وانجدني
على فرح الأيام عودني
فوق ف سما الاحلام وابعدني
على عرش الاحساس سيِّدني
ضمني أكتر ليك واوعدني
إنك يوم ما تفارق حضني
وإني اعيش طول عمري معاك
أسعد فيك وانت بتسعدني
ياااه ع النشوى معاك يا هاوسني
دانا يا حبيبي أما بتلمسني
بلقى حنان الكون ده ماسسني
وإن ايديك دي ملاك وحارسني
واما شفايفك تيجي تهمسلي
وتقرب مني و بتبوسني
بشعر انك حتة ف جسمي
كت غايبة وبهواك رجعتلي
والورد الدبلان على غصني
اتروى من شهدك ورقصلي
دانا يا حبيبي ملكني هواك
ولا شيء وياك بقى ينقصني
بقلمي/ خالد جمال ١٤/٢/٢٠٢٦
ليست هناك تعليقات:
إرسال تعليق