بحبك ؟؟!!
عمري ما هاجاوبك
عشان الرد مش عندي
روح أسأل عيني هتقولك
عن اللي عشقته هتدلك
مين اللي سكِنها ف النني
روح أسأل قلبي هيبوحلك
هيوصف ليك ويشرحلك
ويحكي عليها بتأني
أو أسأل روح بقت ضلك
ملازمة هواك وبتميلك
بتعزف ليك وبتغني
أقولك
روح أسأل وجد مشغول بك
سهر يترجى فيك قلبك
وعاش ليك عمره مستني
أو أسأل شوق عشق وردك
حنين ولا عمره خان وعدك
وفاق كل اللي تتمني
أو أسأل دمعة على خدي
في ليل نجواك كانت سندي
وتنده ليكي ما تحني
عليك هما اللي هيردوا
حواس وشعور ما يتعدوا
حنين جياش مفيش قده
ودول أصدق إليك مني
بتسألني
بقلمي/ خالد جمال ٣/٢/٢٠٢٦
ليست هناك تعليقات:
إرسال تعليق