..........................
أنا
جبت صورة أمي
من على الحيطة نزلتها
من بروازها اللي فيه
طلعتها
وبين إيدي في حضني
أخدتها
من عيني وغصبن عني
نزلت دمعه مني فوق
خدها
معلش يامه على دمعة
نزلت مني
عدى أونها ووقتها
وازاي وأنت مع كل لحظة
حلوة محسوبة بينا عيشتها
أصل صورتك بحاجات
كتيره
فكرتني بزمان لما كنت
بمشي معاها وجنبي ضلها
أمي
اللي يامة شالتني
من على الأرض شيل
فوق كتفها
خوفا على لتعطر واقع
يقوم يحصلي حاجة
تتسبب إن تنزل دمعها
اللي كان زي السيل
فوق خدها
عشان تعبي وحده بس
هو اللي كان بيكسر
فرحها
أمي
في حياتي ماشفت
حنان بالدنيا زي حنان
قلبها
تفرح لفرحي وأحس
بيها
كأني ملكت السماء
وباإيدي
أنا طولتها
أمي
يامه شربت عشنا
عذاب المُر
في كاسات الهموم
وحدها
ورغم عذابها عشان
مزعلش
الضحكة الصافية
عمرها
مفرقت يوم وشها
أمي دي ملاك
عمري ماشفت حنان
في قلب أم
زي أنا ماشوفت
من حنية في قلبها
بقلم عبد المنعم مرعي
ليست هناك تعليقات:
إرسال تعليق