يكفيني رغيف وحبة ملح
وقلوب صافيه مليانه حنين
يكفيني لحظة ومش طماع
ولا العمر مع ناس خاينين
محتاج. للحضن والضمة
من غير وجع ألم وانين
محتاج لناس تكون شبهي
وانا شبهم يا بني ادمين
يكونوا جنبي وش ف وش
محاوطني بشوق وحنين
كرهت الناس اللي بميت وش
يا مصلحجيه ياناس وحشين
مليت م الناس الكدابه
من عيونهم كدا باينين
العيش. والملح. كان مله
وناس واخداهم عهد ودين
والقسم عل اللسان داير
والعيش والملح يابني أدمين
دلوقتي ميت قسم ويمين
والغدر في العيون واضحين
راح فين زماني دا الطيب
وعشرة عمر مع ناس حلوين
راح. فين الأبيض والأسود
مكانش معاهم. الوان تانين
قلوب زي السما صافيه
احضان مليانه حب وحنين
ما ترجع يا زماني تاني
ورجع كل الناس حلوين
يجمعنا رغيف وحبة ملح
ووشوش صافيه وقلب حنين
بقلم
أحمد. محمود
من ديوان بنا حروف
ليست هناك تعليقات:
إرسال تعليق