أنت فعل ولا اسم
جايلي تدي غرام وحب
ولا تكسر فيا قلب
جاي بروح فيك ولا جسم
أنت حال ولا ظرف
حال لقلبي من السعادة
ألقى فيك الفرح عادة
ولا ظرف يعدي خطف
أنت عطف ولا عصف
جاي وشايل في المودة
ولا تابع للي عدى
جاي وقبلك حرف عطف
أنت مبني ولا معرب
يعني جاي ف حلمي تبني
ولا جاي تهد مبني
تشغل الروح بيك وتهرب
أنت مفعول يابني مطلق
ولا مفعول لاجل تسرق
من حياتي ومن سنيني
فرحة الأيام في عيني
وف بحورها تسيبها تغرق
كام سؤال ومعاك إجابته
قلبي هطوِّل رقابته
ولا ردي معاك حجبته
جاي كاره ولا حابب
رد جاوب
بقلمي/ خالد جمال ٨/٤/٢٠٢٦
ليست هناك تعليقات:
إرسال تعليق