الحرف تم يتوه مني وأجيله أزاي
أفعال الناس تمت كارثة بيعزفها الناي
تعالى اقعد تحت التوتة وحجر شيشة وكباية شاي
دي دنيا أمورها بقت غابة
مليانة غلابة وديابة
وضمايرنا بيدينا دفناها ونقول باي باي
مفيش ساعة علينا تعدي
غير لما تجينا بمفاجئة ملهاش عنوان
عم الخذلان والغدر معاه صبحوا الفرسان
والحق خلاص طمسوا هويته ومالوش مكان
براءة بنت اغتصبوها
ومحارم ينهكها أبوها والغدر إدمان
أطفال وبيطفوا قناديلها سلبوا شرفها وجنادلها
ولعنوك يازمان
ومساجد قفلت أبوابها بالعافية يادوب لاقية أحبابها
النص داخل متوضي
والباقي داخل متخبي
وعشان يبقى الحاج فلان
والجار من جاره شايل غيرة
على وشه غيامة وتكشيرة ومن غير أسباب
الكره خلاص واكل قلبه
والحقد باين على ندبه وطالعله نياب
قولي ياصاحبي وأحكيلي وغني بصوتك مواويلي وأطربني كمان
الغابة وضحت معالمها وقنابل فكت طلاسمها
وخرايط بيعيدوا ترسيمها ومين الكسبان
الغرب وبكل نفوذه وخليجنا بماله وبتروله
ووقت الوحدة خلاص قد حان
نشبك ايدينا فى بعضيها ونعتصموا بحبل الله
فوقوا بكفاية ياعربنا
السيل هايخودنا ويغلبنا
والديب سعران وعلى حدودنا سامعين عواه
بلاش نستسلم ونسلم
والوحدة ضربة من معلم
قلم وياخده على قفاه
قلم/نور نبيل عبد الحليم
١٦/٤/٢٠٢٦
ليست هناك تعليقات:
إرسال تعليق