يوم ما عشقتك كت أمنية
تعشقني ولو خمسة لمية
من احساسي وشوقي اليك
من لهفتي من خوفي عليك
أصلك كنت مصفي النية
يوم ما عشقتك عشت وأملي
تِبقي على الأحلام وتدوملي
بس الحلم بغيرتك راح
صار أوهام وآلام وجراح
واتشرست بسرعة يا حَمَلي
يوم ما عشقتك كنت بداري
على شمع الهوى من ريح ساري
م المدارية النار بتزيد
حرقت فيا وتين ووريد
وبشكك هديت أسواري
اتحولت أوام بركان
يحدف ناره ف كل مكان
بركان كان من غيرة وشك
ظنك هد ف قلبي ودك
شتت في الروح والأركان
صار قلبي ايجار ليك
مش مِلك
والعشق الخاص بيك
بقى شِرك
والشوق اللي معاك سهرني
اتمنيت منه تحررني
وحرير الاحساس بقى سِلك
ظن وشك
بقلمي/ خالد جمال ٧/٤/٢٠٢٦
ليست هناك تعليقات:
إرسال تعليق