بعد كل العشرة دي
بعد قلبي ما راح وجه
في الغرام ماسألشي ليه
ألقى قلبك جه عليه
ألقى غدرك ريح طاويه
والخيانة دي شرع عندك
قوللي قلبي عملك ايه
خلى قلبك هان عليه
يزرع الشكوي ف عنيه
يقتل الفرحة بايديه
ينسى وعد ومال اليه
يلقى ودك نار بتحرق
ليه بنغدر باللي صان
اللي عمره في يوم ما خان
واللي يسقينا الحنان
نسقي قلبه الويل كمان
واللي شالنا سنين زمان
نِخلَى بيه لو وقته حان
وسط نوة وموج طوفان
نوة قسوة وموج هوان
نرمي فيه ونسيبه يغرق
ياللي عشت معاك وفاكر
إن قلبك ليا ذاكر
وانت عشت لعشقي ناكر
كنت صفو ف بحر عاكر
قلب وغد بعقل ماكر
قلبي ممنولك وشاكر
امس عدى وجاي باكر
تلقى باب الفرح ساكر
خمر مرك منه ساكر
والجراح حواليك عساكر
لو تغرب أو تشرق
مش مصدق
بقلمي/ خالد جمال ٩/٤/٢٠٢٦
ليست هناك تعليقات:
إرسال تعليق