//////////////////////////////////////////////////////////////
اليوم ونحن بغمرة الفرحه بمحاسبة مجرمي العهد البائد
عاطف نجيب وامجد البوسف وحسون ومن على شاكلتهم ممن خاضوا بدماء شعبنا الحر ،،،أتقدم بقصيدتي هذه وأرجو ان تظل هذه الصوره بذاكرتكم،،،
/////////////////////////////////////////////////////////////////
لا،،لا،،تعدي ع الحاجز ابدا مابجوز
حالا بالا يامشححر بتصير محجوز
فين رايح ومنين جايه يللا قوام
قول يامجرم جاوبنا،،، (وبقلبة بوز)
///////////////////////////////////////////////////////////////
مين الدفعك وقلك اتمر من هون؟؟
قول بسرعه انطقها لك ياملعون
قصدك يعني اتفجر والا اشلون؟!
قسما عظما لاقطع لحمك احزوز
//////////////////////////////////////////////////////////////
مهما تحكي اوتشكي ولو تبكي كمان
مارح تنفد من ايدي،،،ليش الكتمان
اشو غرضك ياسافل (وتصير تنهان)
وبقلبك تشتم وعقلك يصير مهزوز
/////////////////////////////////////////////////////////////
يرجع يقلك رفقاتك جاوبني قوام
فين واعدهم فهمني ياابن الحرام
انت حشره وسافل وسليل إجرام
احكي لوحدك لو بدك براءه تفوز
/////////////////////////////////////////////////////////////
مهما تتمسكن وتحلف بقلك كذاب
يللا شو عندك خبرني ياابن الكلاب
لآخر مره عم قلك كون ع الإيجاب
حالا بالا من عندي بتطلع معزوز
///////////////////////////////////////////////////////////////
وهيه قصه م القصص الكانوا ياناس
عله فيها غصتنا تسقينا من مر الكأس
وخالتي الحجه وصتني حتى ماتنداس
كلمة امرك ياسيدنا تقولا للعنطوز
//////////////////////////////////////////////////////////////
لاياحجه مابقولا انا ابن احرار
حتى لو بيكووني بجمر النار
من صغري رضعان من امي حليب الاصرار
عنيد وحتى لو اقضي عمري منبوذ
///////////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق