شفت الهوى ف عينك
منقوش على جبينك
في الخال ف خدينك
خلخال وبيزينك
وردك وياسمينك
عطرك ورياحينك
يا حبيبي كان فينك
من بدري ليك مشتاق
من يوم ما بصيتلي
والنظرة همستلي
بالعشق وصلتلي
ع الوعد مسيتلي
باحت وقصتلي
أحزاني قصتلي
وهمومي نسيتلي
الفرحة رقصتلي
واتمايلت الأشواق
من غير ما تتكلم
قالت عنيك ف كلام
ف ثواني ليك سلم
قلبي اللي حب وهام
من بعد ما اتألم
كان له الغرام أوهام
عاش يشكي يتظلم
من قسوة الأيام
والفجر فيه ضلم
بقى ليل سواد وغيام
من عشقك اتعلم
يطوي ف ألم هدَّام
والروح معاك تحلم
لسنين كتير أدام
يا حبيبي يا معلم
يا ابو نظرة ترمي سلام
بقلمي/ خالد جمال ٢١/٤/٢٠٢٦
ليست هناك تعليقات:
إرسال تعليق