لو رحلت وسبت قلبي
مش راحِلَّك
لو غدرت وخنت حبي
مش هحِلَّك
زي قلبي ما عاش حياته
نبضه مرفوع الجبين
عمري ما اقبل يدني ذاته
يبقى مبني وف محلك
لو هتخرج من حياتي
لو تبيعني
لو هتمحي ف ذكرياتي
عادي يعني
زي قلبي ما حبك انت
وانشغل بهواك سنين
سهل ينسى الشوق وروحي
هتهاودني وهتطاوعني
انسى إني اعيش ف بُعدك
لحظة مُرة
أو عيون الشكوى بعدك
تبكي مرة
قد ما هواك خان ودادي
كان لي سجن ف ليل حزين
الحياة بعدك هعيشها
نَفسي راضية وروحي حرة
روح يا سيدي بكره تندم
تشكي من قسوة وجراح
لما بعدي القلب تعدم
تحيا سجن ف كون براح
دانت بعت اللي اشتراك
هان عليك لهفة وحنين
بكرة تترجى ف زمانك
يرحمك من ويل هوانك
من أنين حسرة ونواح
ليل وراح
بقلمي/ خالد جمال ٤/٤/٢٠٢٦
ليست هناك تعليقات:
إرسال تعليق