الصحة ...
المقدمة البنزين بتاعنا..
بنيت شغل
بنيت علاقات
بنيت فلوس
بس لو البنزين خلص
كل ده هيقف.
والصحة + النفسية هما البنزين
القاعدة 1 النوم مش رفاهية
7-8 ساعات
مش لما أخلص
مش الويك اند أعوض
قلة النوم = غباء + عصبية + مرض
اللي بيصحى بدري كسبان
نقطة
القاعدة 2 جسمك بيكلمك
تعبان ارتاح.
موجوع اكشف
مخنوق اتحرك
مبنطنش إشارات الجسم
الجسم لو وقع كل حاجة هتقع
القاعدة 3: الحركة دوا
مش لازم جيم.
امشي 30 دقيقة.
اطلع السلم.
اتمرن في البيت
الحركة بتطلع الزعل من الجسم.
والاكتئاب بيكره العرق
القاعدة 4 الأكل مزاج
السكر بيعملك مزاج حلو 10 دقايق
وبعدين يجيب اكتئاب 3 ساعات.
المياه بتظبط دماغك
الخضار بيديك طاقة
انت اللي بتاكله.
فكل اللي يخليك تقوم
القاعدة 5 مشاعرك مش ضعف
العياط مش ضعف
الخوف مش ضعف
القلق مش ضعف.
دول إنسان
الضعف إنك تكتم وتعمل قوي
لحد ما تنفجر القاعدة 6 اطلب مساعدة
أنا تعبان نفسياً
دي أقوى جملة ممكن تقولها
روح لدكتور
كلم صاحب
فض
مفيش بطل بيشيل لوحده
الأبطال بيستعينوا
القاعدة 7 السوشيال بتسرقك
كل 5 دقايق سكرول =
مقارنة + إحباط + جلد ذات
الحقيقة محدش منزل صورته وهو بيعيط.
فقلل
واعمل detox كل أسبوع
القاعدة 8 الوحدة الصحية إجباري
ساعة في اليوم لوحدك
من غير موبايل
من غير ناس
من غير دوشة
اسمع نفسك
اشحن
اللي مش بيشحن بيفصل
القاعدة 9 قول مشاعرك بدري
ده مضايقني
أنا زعلت
محتاج مساحة
لما تكتم بتتعفن من جوا
ولما تتكلم بدري المشكلة بتموت صغيرة
القاعدة 10 مفيش حد 100%
مش لازم تبقى سعيد طول الوقت
مش لازم تبقى منتج كل يوم
مش لازم تبقى قوي 24 ساعة.
مسموح تقع
مسموح تبقى 40%.
المهم تقوم تاني يوم
القاعدة 11امتنان 3 حاجات
قبل النوم
اكتب 3 حاجات كويسة حصلت
حتى لو شربت قهوة حلوة
المخ بيتبرمج على اللي بتركز عليه
ركز على الناقص هتتعب
ركز على الموجود هترتاح
القاعدة 12 ربنا في التفاصيل
الصحة رزق
النفسية رزق
الستر رزق
احمد ربنا على العادي
على إنك بتتنفس
على إنك نمت
على إنك صاحي
الشكر بيجيب زيادة
الخاتمة انت المشروع
كل المشاريع بتفشل لو انت وقعت
فخلي نفسك المشروع رقم 1
اهتم اتعالج ارتاح اتبسط
عشان تقدر تكمل باقي المشاريع. بقلمي اشرف محمد ضمراني
ليست هناك تعليقات:
إرسال تعليق