ثبتنا برمشه قصاد بيتنا
وف قلب حارتنا ف حتتنا
وعنيه اجترأتنا وهتتنا
حلت محارمنا انتهكتنا
وطوانا بسحره وكلفتنا
خد منا العقل وشتتنا
ولا لومنا عليه ولا غتتنا
لا رغينا معاه ولا لتتنا
ماهو ثبت فينا بارادتنا
دوبنا غرامه وفتتنا
بقى لحمة راسنا وفتتنا
تاه قلبي ونسي فين باب بيتنا
من نظرة عين سحر وفتنة
طعنتنا سهامها وقتلتنا
طبيت في الهوى من فوق بيتنا
وسمعت بقلبي انا طبتنا
ولقيتني ف لحظة مسلم لِيه
ثبتنا بقد وجار عوده
وبورد بيضحك ف خدوده
ثبتنا بشوق عدى حدوده
ورموش يتعدوا وبيزودوا
ثبتنا بكحل أسير لعنيه
ثبتنا شهاب ضوى جبينه
من كتر النور مش شايفينه
بشفايف شهده وشاربينه
بجمال ودلال مش حاسبينه
ولا كنا يا ناس نحلم يوم بيه
من غير سكين ولا قرن غزال
لا ربطنا يا ناس ولا شد حبال
ولا كان فيه عراك ولا حتى نزال
ده بدال ما نخاف ونلم عزال
والخوف يجتاحنا كما الزلزال
دوب فينا خوفنا ف ثانية ازال
ده ملكنا بسحبة عين لغزال
وخضعنا إليه من ندهة خال
غيرنا وبدل حال من حال
ومسكنا ف قلبه وتبتنا
ثبتنا
بقلمي/ خالد جمال ٢٣/٧/٢٠٢٦
ليست هناك تعليقات:
إرسال تعليق