اوعى الكلمة تنطقها شفايفك
اوعى تقولها لتبيِّن ضعفك
امحي حروفها مع كل معارفك
أصلها غالية ليه ترخَّصها
بخداع من قلبك
أصلها طاهرة ليه تدنسها
بزيفك وبكدبك
دانا قلبي خلاص مابقاش شايفك
وإن شافك يوم لأ مش عارفك
لو هتقولها قولها لنفسك
أصل انت أناني
مابتحسش إلا بنفسك
ظالم وظلمت معاك قلبك
ماتقولشي بحبك
أصل الكلمة
مش ماشية معاك
ولا لايقة عليك
زي الكدبة
لو تداريها
بتبان ف عنيك
حتى اللمسة
بتجرَّحني وحسيت بيها
أشواك ف ايديك
لو كت همسة
ف وداني صرخة
وبتصرخ فيها بعزم ما فيك
خاين وكرهت معاك كدبك
ماتقولشي بحبك
ابعد عن قلبي خلاص يابني
ربي يصبرني انا على جرحك
لو مهما تداري وهتخبي
من غير ما تقول كدبك فاضحك
كنت الأشواق بيها تلعبي
وقناع بيداري على ملامحك
ياللي انت ظلمت معاك قلبي
ياللي انت اسايا ده كان فرحك
فوضت أنا فيك ربي وقلبي
ولا يوم هصفالك أو اسامحك
ومسيرك تندم على ذنبك
ماتقولشي بحبك
بثلمس/ خالد جمال ١٤/٧/٢٠٢٦
ليست هناك تعليقات:
إرسال تعليق