كتبنا كتير وقولنا كتير
مفيش فايدة
رسمنا حروف بقت كلمات
وجمعناها كمان ابيات
مفيش فايدة
وبقت قصائد وليها معني
بنحكي فيها اللي واجعنا
بكلام من القلب من جوه
ودموع العين بتوجعنا
الاقي بردوا من تاني يوم
مفيش فايدة
بلاقي. كلماتي مسروقة
وكمان ببجاحة منحوتة
ولو. جينا ونتكلم
يحلفولنا 100. عظيم
مع. وصله. ردح مظبوطة
ومفيش فايدة
بالله. عليكم طب نعمل أيه
مع الهانم وأخينا البيه
كرهتونا ف الكلمة وف اللمة
وتملي سارقين مجهودنا
ناقص تسرقوا منا احلامنا
اشد. في شعري يقولوا مجنون
هاشتكيكم. لرب الكون
ولا ها سمح يقولوا مجنون
وارجع تاني اعيد. وأزيد
بكلمات كتير تكون شبهي
ولو عملنا كمان تحاليل
ها تلاقوا الكلمة دي من دمي
ومش مسروقة ولا منحوتة
ومفيش. فايدة
بقلم
احمد. محمود
ليست هناك تعليقات:
إرسال تعليق