أدَوِّرْ وين
مدري إبَّالي شنهو الچان
تايه بال
حسبالي الوكت باقي مثل ماچان
ويــــ.....؟؟؟..ــــــن أويـ...؟؟؟.......ـــــن !!!
كلها أتغيرت الأخلاق والأاعراف والإيمان
حسبالي بعدها الناس مثل الناس
والچنت انا أظنه انسان مو انسان
طلع بايع مخلص کلّش وخربان
وبعدني أنْا أدور وأسأل البيبان
وين إفلان
......................وين إفلان
..........................................وين إفلان
ثاري مغيـــــر اسمه وبـــــدَّل العنوان
ياوسفه الزمان الراح وياوسفه الزمان الجاي
ضاعت لا بقت خبزة التغـــــزر لا ملح لا ماي
لا سالوفة طيبة تأثِّــــــــر بأنسان
قليل أتشوف زلمه ونــادر النسوان
كلها اتغيرت الوجوه والاسماء والازمان
لا عمّة بقت لا عگل لا ديوان
لا مجلس سوالف
لا حكمة شعر
لا تشبع ضحك من سالفة سكران
لا ضحكة صدگ من كل گلب مليان
حتى إفلان موش أفلان ضايع هالوكت فلتان
ضايع هالوكت فلتان
الشاعــــر
فالــــح ســرورالبغـــدادي
.....................................................
ليست هناك تعليقات:
إرسال تعليق