أشواقي لأمي
محلاكى ياأمى محلاكى٠٠
دى فرحة القلب معاكى٠٠
ياأمى ببعث اشواقى٠٠
من قلبي تفضل جواكى٠٠
محلاكى ياأمي محلاكي٠٠
ياأمى طال بعدك ليلى٠٠
وينورك تضوي قناديلى٠٠
لو يوم الفكر جه زارنى٠٠
يلاقيكى دايما تدعيلى٠٠
محلاكى ياأمي محلاكي٠٠
ياأمي مين غيرك ليا٠٠
بيملا بالحب عنيا٠٠
دى الدنيا ياأمى من قلبك٠٠
تتعلم معني الحنية٠٠
محلاكى ياأمى محلاكى٠٠
سهرانه بدعاكى تقولى٠٠
يارب اسعدهم على طول٠٠
ومنايا ياأمى لدعاك٠٠
ويحيى لرضاك أنوار٠٠
محلاكى ياأمى محلاكى٠٠
أنا منك ياأمى وليكى٠٠
ويارب يطول لياليكى٠٠
ويقدرنى ليكى ياأمى٠٠
أزود فرحك فى عنيكى٠٠
محلاكى ياأمى محلاكى٠٠
محلاكي وأيامك أعياد٠٠
لكل العالم والناس٠٠
ياقمر ومنور ياحبيبتى٠٠
بيفيض ع الكون بالإحساس٠٠
محلاكى ياأمى محلاكى٠٠
يتزهر ليكى الأزهار٠٠
وتغني جميع الأطيار٠٠
وينفرح الليالى طفولة٠٠
بإيديكى وصبحنا كبار٠٠
محلاكى ياأمى محلاكى٠٠
الحرف الأول من إسمك٠٠
ألف بتنور كونى٠٠
والميم محفوظة وف قلبى٠٠
تملى ياأمى وف عيونى٠٠
والياء ياحبيبتى ياأمي٠٠
ياعايشة ف قلبى ومكنونى٠٠
محلاكى يأمى محلاكى٠٠
قلم ناهد ابراهيم احمد
ليست هناك تعليقات:
إرسال تعليق