(ذكريات )
بقلم محمد عباس
الاسماعيليه. مصر
تسلم ايدين الشقينين
اللى بعرقهم فرحتين
فرحة لما بتوفى نذر
والتانية فى لمس الايدين
تسلم ايدين المخلصين
اللى باصولهم معروفين
بنوا قصور من الحنين
والقلب معقود بالسنين
عاش اللى همسه اجمل م السكات
عاش اللى فرحنا جوا صراع الذكريات
لوحقيقى الصبر ينطق م الرفات
مستحيل توصف اشباح حد فات
حد عايش بس مات
حد مغمور فى السكات
والصمت فى حياتنا اهات
لحظة تحول ضميرالحر للغايات
والزرع يعطش من قله عاهات
ساعة مفكر ينسي ان العمر شات
واللى باقى حفنة من كومة حاجات
حاجة حلوة بس اخده عمر البراءة
والصنعه والعبرة تقاس بالجراءة
والكلمة صبحت ثوب عفيف
ومعاها توهات ادام رصيف
اشخاص بتبحث عن لقمة رغيف
قرش واحد بيقوى الضعيف
لما قطار العمر يرحل زى ضيف
نفتكر سلسال العمر عدى زى صيف
مفرقش تعرف غير نظرة عيون
جوا ايدين متلطخة بحبة شجون
والامل فى حياتنا ده مجرد فنون
والامانى مقربة فى شجرة ليمون
غنوة بتوصف كل سنين الامنيات
حد فاضى يسمع حلمه
اللى جاى والاحتى اللى فات
والايسترجع من خياله شريط حد شات
كل ما مر امر من لحظة او سكة سكات
(ذكريات)
بقلم محمد عباس
الاسماعيليه. مصر
من ديوان صوت الشهيد
ليست هناك تعليقات:
إرسال تعليق