…..(.يا ساكنين العلالي) …….
اه واه واه وهغيب
اقول اه.لحد امتا ولمين
ياناس ياللي فوق
وفي القصور ساكنين
ياللي ساكنين العلالي
وفي الهنا. عايشين
احلى اكل واحلى شرب
وللعربيااااااااات راكبين
ارجوكوا نظرة رضا
لاخوكم المسكين
طول عمره عايش في شقا
وعلى راسه روبة و طين
نظره. بعين الرضا
ولأيده. تكونوا مادين
دعامل طور(ف) ساقية
ومغمي عنيه الاتنين
وماشى جنب الحيط
غلبان بقالو سنين
بيقول يمكن يجي يوم
احس. فيه. بأمان
والدنيا دى تروقلنا
وينعدل فيها الميزان
على فكرة
الدنيا مليانة كدة
كتيرناس عايشين
وعلى. الهم والشقا
خلاص بقوا صابرين
خايفين يبصوا لفوق
ينزلوا ومش طالعين
ينداس عليهم بالجزم
اكتر مامنداسين
……(وعجبى) …….
…………………………………
(الحاجة فاطمة ابو شاكر)
…………………………………..
ليست هناك تعليقات:
إرسال تعليق