مستنياك يا ساعي البريد
بحب تجيني وفرح وعيد
وبالبشاير والأفراح
وزينه وورود والكل سعيد
عشان حبيبي بعتلي جواب
فرحني فيه انا والأحباب
وانا مستنياه علي الأبواب
عارفاه هايجيني بعمر جديد
حبيبي ما بيخلف مواعيد
ويوم لقاه عندي يوم عيد
بالطرحه والفستان الابيض
هستناه وهاقول وهاعيد
حبيبي كلمته دي بألف وعد
وعدني نبقي دايما لبعض
عمري ما هخلف معاه العهد
بروحنا وشوقنا احنا لبعض
الشاعر الغنائي / عرفات فرج الله بلبل
ليست هناك تعليقات:
إرسال تعليق