انطق ياقلمي قول واحكي
عن غلبان أبو عيال يشكي
إحكي حكاية قديمة عجيبة
عن موظف شريف والعيلة
بابا حبيبي عاوزلي شنطة
بنطلون قميص والجزمة
حاضر يابني اصبر ياضناية
قبضي هينزل الايام الجاية
إستنة ازاي بالله ياباباية
مدرستي تفتح وصحابي معاية
يابني اعذرني القبض شوية
طلباتكم ابني والله مامعاية
بعد أيام قبضت القبضة
وصل النور فوق المية
وصل المية أقل شوية
والبقال متين ع المية
كنت واخد متين من اخوية
رد سلف تلف وخسارة
للدكتور ورشتة طويلة
فاضل إيه من القبضية
من الألف اتبقت مية
قول بالله أعمل بيها إيه
هتجيب إيه مالهاش لازمة
تشتري جزمة بتلات ميات
وبنطلون أربعة وشوية
قميص بمتين متين وشوية
والشنطة باتنين في المية
ابقي احسب لي الحسبة دا هية
يبقي اشتغل مع الحرمية
وتبقي حياتي مية لمية
بس أناخايف غضبه نهايتي
اكل حرام نهايته ردية
يغضب ربي مايبارك فيه
والأولاد نهايتهم شينة
يتغذوا حرام ولابركة
بتضيع والله الذرية
عاوز حل لقضيتي دية
عاجز والله من النقدية
والأولاد بيقطعوا فية
طلباتهم وحقوقهم دية
اسكت قلمي حروفك دية
زي النار بتشعلل فية
والله ماينفع غير المولي
يحل لنا المعضلة دية
Ghazala Attia غزالة عطيه
ليست هناك تعليقات:
إرسال تعليق