قصيده بعنوان
(الوجع؟!!"")
كل يوم
بيعدى على
الغلبان دهر
وياريتو يعدى
لو يوم
وياريتو يعدى
لو شهر
يبات الليل
تعبان يقوم
الصبح للقهر
أنا منهم
ما أنا الغلبان
أنا الغرقان
فى همومى
حرام علي
أشكى ولو
شكيت يقولو
ضعيف
مبيتحملش
أكتم صوت
الآه جواي
أخاف أحكي
ولوحكيت
أحكى لمين
ومين يسمع
شكوة المظلوم
ومين إل فى
قلبه
ذرة حنين
بيتأثر لوجع
الغير وبيواسى
ويقول أهو
خير
إتحمل وكون
جمل صبور
وبكره يبان
نوره وإمبارح
فى ماض
يغور
وإحمد ربك
مدام مستور
أنا من القهر
أعض صوابعى
من الغيظ
ومعايا حبيب
تقول ياحفيظ
بروده متناهى
ملوش آخر
تكلم نفسك
كمجنون
مع إن ليك
عقل
موزون
زي عقرب الساعه
لا بيقدم ولا
يآخر
وفى عهد
واخده على
نفسه إستحاله
يخون وبيصون
لكنه مشكلته
إنه حظه
قليل فى
دنيا قفل
له بيبانها
بيعافر
ودا جهده
ودا سنه
ودا عمره
ماكان شباب
وصدره مفتوح
ولا بيهمه
كل يوم
بيعدى على
الغلبان دهر
وياريتو
يعدى لو
يوم وياريتو
يعدى
لو شهر
يبات الليل
تعبان يقوم
الصبح للقهر
حبيت
زي أي
حد ما بيحب
ما أنا بارضو
لي قلب
بيدق بيحن
وبيرق
بيشعر وبيتأثر
وبيحس
وفيه مشاعر
وإحساس
زي كل
الناس مشكلته
إنه عايش
حياته غريب
لهو حاسس
بإن له وجود
ولا حظه فى
يوم بيصيب
4/8/2021
ترنيمات وخواطر.بقلم)
خيرى حسنى...............)
ليست هناك تعليقات:
إرسال تعليق