وعبى ياموت
واه واهين
يا جرح كل يوم ينفتحلك عين
وعبى ياموت على كتفك
وشيل الطيبين
انا المصرى
اللى يطلع من حيطان قبرى
جنود تانيه بالملايين
انا الدرويش
ومهما ينتفو من جناحى الريش
بكون صفحه فى كتابك
يا فاكرانى فى عز الزحمه
انا المقتول على بابك
ومطبوع حتى على كفى
حروف اسمك انا وكل احبابك
وامى بلون فستانها ودمعتها
بتكتب شهاده نور على بابى
وزى المسك والعنبر ضحكتها
بساط اخضر يلم كل احبابى
وقفت شموش الدنيا و الكون سكت
والدمع بركان انفجر
فى كل شارع واتجاه
يامركبه شايله على جناها البشر
يا نور فى قلب الضلمه
وفايت الحياه
حتى عروقك بتبتسم ما قالتش اه
فى انتظار ابنى الشهيد
ملايكه واقفه انتباه
بقلمى / رضا البوشي
ليست هناك تعليقات:
إرسال تعليق