أنا عاشقك"
عشقت الحب في عنيكي
م نا عاشقك بقالي زمان
عشقت الورد في خدك
وفي صدرك فاكهة الرمان
عشقت البسمه في شفايفك
وخصرك أجمل الالحان
وف حضورك وف غيابك
أنا دايما باكون شايفك
في إحساسي وأنفاسي
وقلبي عالدوام فاكرك
غنوتك في الفرح ودواكي
وقت الجرح وأنا سترك
في عنيكي كلام واضح
وبرتاح لما انا باقراه
وأحيانا كلام غامض ٠
يحيرني وبتوه وياه
عشقت الليل في شعرك
وعشقت الضي في جبينك
ويكفيني غرام فيكي
أكون أعظم محبينك
عشقت الصحبه أنا فيكي
عشقت الآه والموال
وطعم الدنيا ما يحلى من
غيرك يا مهره وانا الخيال
بقلم/ الشاعر رشاد على محمود
ليست هناك تعليقات:
إرسال تعليق