جرحونا الأحبة
عبدالمنعم عدلى..مصر
جرح الأحبة
سكين حامى
قطع قلبى
وتعبت كتير
ورحت لأطباء الجروح
ومكث الأطبة
فى صمت الذهول
وقفت بعيد
وقلت جرح
الأغراب ليه
دواء وأطيب
وجرح الأحبة
بعد مارونى
فى جب لعين
ليه كدة
عملت فيكم إيه
وأنا اللى
كنت تمللى
أعمل خدى
مداس ليكم
نسيتوا حبى
نسيتوا ودى
وأنا الفقير العاشق
لخطوات مشيكم
أخاف عليكم
نسمة الهواء
وأغار عليكم
من نظرات
الحقد ليكم
سبتونى بعد ماجرحتونى وأنا
فى الجب وحيد
غدار يازمن الأحبة
خاين وملكش أمان
مكتوب عليا
أعيش وحدى
وأنعى همى
وأداوى جرحى
وأنا القلب
اللى راح
وسافر بعيد
عل البعد
يداوى جروح بلا حدود
آه ياقلب يامجروح
سنين وسنين
وجرحك ماله
دواء حتى
ولو بعد الممات
بقلمى عبدالمنعم عدلى
ليست هناك تعليقات:
إرسال تعليق