إياكم والتفرقة بين الأولاد
يولد الكراهية والبغضاء بين الأولاد والآباء ويؤدى إلي العقوق
جائتنى بنت تبكى وتشكوا ظلم والدها وتقص وتحكى فكتبت كلمات من قلبى لعلها تصل إلى كل أب وأم
إياكم والتفرقة بين الأولاد
وتلك هي كلماتى للجميع بصورة مصغرة لتلك الفتاة
رسالة من إبنة لأبيها
_____________
مش غريبة عليك قسوتك عليا مش غريبة عليك
من صغر سني مش متحملنى كأنى مش منك
تحب كل إخواتى إلا أنا كأنى مش بنتك
مبارك عليك حنانك لاختى أنا الله يهنيك
مبارك عليك سركس أختى امك تفديك
وزينب حبيبة أبوها ضحكته مبارك عليك
وفاطمة آخر العنقود سكر معقود تحلي لياليك
أما أنا بنت غريبة عليك مش منك ولا إليك
مبارك عليك ظلمك قدام المولي هيحاسبك
نسيت رفقا بالقوارير ووصية النبى محمد إليك
أوصيكم بالنساء خيراً ولا يمكن حسبتنى مثلك
راجل بشنبات في الظلم بات وفات مش من ضلعك
ياللي إسمك كلمة أب نفسى بجد أحسك
ياللي اسمى ملتصق في شهادةميلادى بإسمك
أنا لو عقيتك إنت عقتنى قبلي وكل السبب منك
مش هقول إلا خليك حنون لو ثانية غصب عنك
اضحك عليا أنا راضية مش هقولك فهمتك
أنا ما صدقت تقول لي كلمة يا بنتى أحبك
وأنا جوايا متأكدة إن الكلمة طالعة مش من قلبك
لكن هقول أنا زى إخواتى البنات عندك بنتك
___________
Ghazala Attia
غزالة عطيه
ليست هناك تعليقات:
إرسال تعليق