(()حالة عشق ())
ياناس قولولي
هو ايه يبقا الغرام
هو الغرام حب وهيام
حلو ومعسول الكلام
شوق ولقاء وكمان امان
ياناس قولولي
انا اصلي عايشه
بس مش حاسس كدا
فى البدايه
وأول حبي ما ابتدى
كنت حاسس بشيء غريب
شعور مريب
نار لظاها منى قريب
بتكوي فيا
زودت نبض الوريد
اااه ولما عشته
صابني الفتون
صابني الجنون
رغم أنه بين إيديا
حاسس بأنه بعيد عليا
عيني لما تفقده تسيل الدموع
وحتى لما تنظره تنزف دموع
مفيش قناعه باللقا
ومفيش قنوع
طاب عايزه ايه
عايزه تتكحل عليه
لا والله طالبه المزيد
يعني ايه هو المزيد
ياناس قولولي
والعقل شارد
صابه عوارض
وذكر اسمه سادس فروض
وعند الغياب
الفكر شالل
صايبه ركود
ياناس قولولي
وارحموني
حتى قلبي
نبض صوته
تم عالي
مليان جروح
بأنين يبوح
من بعيد تسمع له نوح
ودا فى قربه
أما فى بعده
الصراخ يفوح
ياناس قولولي
وأدي روحي
مش كافي معاها الكلام
بين الجوارح مفيش إنسجام
وايه الجوارح
رعشة شفايف
وجلد ايد صابه الجليد
ولون اتشحب
وتهتهه فى نطق الكلام
حتى الفراش
تم فى عداوه والخصام
حتى جوفي
ندر الصيام
والعين كمان صاحبها الغمام
رغم سكنه جوا منها
حاسه بفقد الامان
أصل الزمان
مالوش امان
يانااأااااس
ياناس قولولي
وارشدو ني وعلموني
وصف حالتي بالشكل دا
يبقى غرام ولا هيام
ولا انا عشقي حرام
بقلمي
نبيل عبد الحليم
١/١٠/٢٠٢١
ليست هناك تعليقات:
إرسال تعليق