........(ما أظن وقتنا تغير).........
تدرون أيش اللي بالحنايا يذبحني
ويزيد من اوجاعي في كل ساعه
وفاي للي كنت أظنه حيل يعشقني
واليوم تبدل ذاك الحب منه قطاعه
أراجع ذكرياتي معه وقلبي يسألني
لليش خان المودة و العشق باعه
و مثل قلبي نفس السؤال تسألني
روحي عن العشره فيه كيف ضاعه
ولا ادري كيف أجاوبهم و انا ظني
ما زال يحسب ما جرى كله أشاعه
عليم الله يا قلبي و روحي اني
مثلكم بحيرة بلا قدرة وأستطاعه
أدور في أفلاكي و خيالي و لكني
ماعرفت ويش الأسباب لحد الساعه
فلاتلوموني بماجرى لاتحسبوا اني
ع علم بماصار اوعندي رضا وقناعه
أنا محتار من حالي ياوقت خبرني
لمه كذا صارت قلوب الناس خادعه
لمه كذا صار الوفاء شيء ما يعني
وصار الحب شيء مانهوى أستماعه
ما أظن وقتنا تغير لكن الناس تبني
من الأوهام دنيا مليئة بكل البشاعه
فيا نفسي حسايف واااااه يا حزني
على زمن ضاع منا و أتعبنا ضياعه
✍️أبورأفت إبراهيم الشعراني
ليست هناك تعليقات:
إرسال تعليق